Sunya Sunya

शेती बागा माडांची ग़ वाडी
नवरीला घुंगरांची गाडी
जशी राजा राणीची ग़ जोडी
नवरीला चांदण्याची साडी

सुन्या सुन्या मनामध्ये सूर हलके
नव्याजुन्या आठवणी भास परके
दारी सनईचे सूर
दाटे मनी हुरहूर
चाले विरहाचा पुढे वारसा

फुलमाळा मंडपाच्या दारी
झालरींना सुखाच्या किनारी
नवी नाती ओळखीची सारी
सपनांची दुनिया ग़ न्यारी

भावनेची तोरणे वेदनेच्या झालरी
नाद करिती चौघडे वाढते घुसमट उरी
ओळखीचे चेहरे मी अनामिक एकटी
संपले सारे दुवे अन आस ही सरली
गाव माझा दूर आला आसवांचा पूर
देवं नव्याने का देई यातना

हळदीने सजली ग़ काया
सासरची मिळेल ग़ माया
वेड लावी धन्याची ग़ भेट
डोळ्यातल्या काजळाची तीट

तदेव लग्नं सुदिनं तदेव ताराबलं चंद्रबलं तदेव
विद्या बलं दैवबलं तदेव लक्ष्मीपतेः तेंघ्रिऽयुगं स्मरामि

आठवांचे कुंचले रेखिती काटेकुटे
कोरडे तळहाथ हे मेंदीची वर जळमटे
मोकळ्या माथ्यावरी देवळाची पायरी
फितूर झाली दैवते रीत हि कुठलीए दैव मानी हार आली बंधनाला धार
भोवती निराशेचा उडे पाचोळा

शेती बागा माडांची ग़ वाडी
नवरीला घुंगरांची गाडी
जशी राजा राणीची ग़ जोडी
नवरीला चांदण्याची साडी